Hosting por dinahosting.
Cargando Actividades

« Todas as actividades

Montaña por somiedo

  • Esta actividade xa finalizou.
Comeza: 14 Xullo
Finaliza: 15 Xullo
Categoría:

Proposta de actividade montañeira pola zona de Somiedo con pernocta no refuxio de Torrebarrio da Federación Galega de Montaña.

Inscripción

Data límite para a inscripción:

  • Martes 10 de xullo mediante o correo [email protected]
  • Mércores 11 de xullo no local do club ou por teléfono en horario de apertura

Importante: Se te inscribes por correo solicitase informar de se estás disposto/a a levar vehículo propio, prazas e cidade de saída, así como se se precisa material e que noites precisas aloxamento.

Información útil

Comezo(lugar, hora…): O punto de quedada é o refuxio de Torrebarrio ao longo da tarde-noite do venres.

Desprazamento: O desprazamento realizarase en coches particulares.

Material recomendado: Roupa e calzado axeitado, gafas de sol, manta térmica, frontal, comida e auga, saco de durmir para o refuxio.

Pernocta: No refuxio de torrebarrio, podese cociñar no mesmo ou cear na aldea de San Emiliano.

Sábado

Circular por somiedo

  • horario9h 25′
  • desnivel de subida1417 m
  • desnivel de baixada1417 m
  • distancia horizontal26 km
  • tipo de percorridoCircular
  • severidade do medio natural3
  • orientacion no itinerario3
  • dificultade no desprazamento3
  • cantidade de esforzo necesario4

Condicións en Tres estacións, tempos estimados segundo criterio MIDE, sen paradas.

Calculado sobre datos de 2018.

Trátase dunha circular, que pasa dun val a outro, pasando por dúas das brañas máis significativas de Somiedo; a de Sousas e a de Mumián. Saíndo de Santa María de Porto, cruzaremos a través do profundo val da Salgada ata O Valle del Lago. Enlazamos esta aldea con Coto de Buenamadre por un camiño tradicional, para coller aquí o PR11, que subindo por un precioso faial déixanos nas portas da Braña de Mumián cunhas espectaculares vistas cara á serra de Perchunes. Desde aí, báixase suavemente ata o Llamardal, onde se pode deixar algún coche, ou ben subir ao Porto facendo parte de estrada e parte de camiño, e así completar a circular.

Domingo

Ascensión ao Cornón

  • horario7h 10′
  • desnivel de subida1040 m
  • desnivel de baixada1040 m
  • distancia horizontal20 km
  • tipo de percorridoCircular
  • severidade do medio natural3
  • orientacion no itinerario4
  • dificultade no desprazamento3
  • cantidade de esforzo necesario4

Condicións en Tres estacións, tempos estimados segundo criterio MIDE, sen paradas.

Calculado sobre datos de 2018.

Ascensión ao Cornón por unha ruta pouco coñecida e polo tanto pouco transitada, unha das máis alpinas. Saíndo da aldea de Sosas de Laciana, remóntase o río Sosas, primeiro por pista, pasando por varias fontes e saltos do río, ata chegar a el Sucuecho onde se atopa unha ponte. Dende aquí continúase pola marxe esquerda do río, xa por sendeiro, para ir ascendendo ata o Corralón de abaixo (1550m), onde se deixa o camiño e un pouco máis arriba, se entra na canal entre o Cornín e o Cornón. Por esta canal se alcanza o collado leste do Cornín (2000m). Dende aquí so quedan preto de 200 metros cara o leste ata o cumio do Cornón(2188m) onde disfrutaremos dunhas vistas privilexiadas do val de Somiedo e as súas montañas.
O descenso faise pola outra vertente do cumio, pasando xunto ao Pico Asta, e desdendendo ao sur ata o río Glacheiro. Seguiremos este regato ata a súa desembocadura no río Sosas, pasando o Chozo de las Presas e a fervenza Galcheiro. Xa no río Sosas, baixamos pola súa marxe dereita ata atopar a ponte, onde retomamos a pista do inicio da actividade pola que descendemos ata Sosas.

Salvo que na información da actividade se indique o contrario, para participar na mesma é preciso apuntarse, así como ser socio do Club Alpino Ourensán e estar federado (cunha licenza federativa que cubra a actividade a realizar).

Ademais para participar nas actividades é preciso ter os coñecementos necesarios así como levar todo o material indicado.

Normas de participación nas actividades

O presente percorrido é unha proposta dun socio ou socia á cal se suman todos aqueles socios e socias que desexen realizalo, baixo a propia responsabilidade de cada un/unha dos/das participantes, sendo imprescindible dispoñer de seguro individual de accidentes. O club tan so facilita a organización do desprazamento e a difusión da actividade. Polo tanto non existe guía de montaña a cargo da actividade, nin se percibe cantidade algunha por tal concepto.

PECHAR

Ola! Utilizamos cookies propias e de terceiros para mellorar a web e a seguridade, pero non analizamos os hábitos de navegación navegación nin intentamos identificarte. Podes obter mais información nesta ligazón