O atractivo que a Ribeira Sacra ten para calquera viaxeiro, non o imos descubrir nos. Para aproximarnos a ela, sirva como unha pequena pincelada, algúns datos. Os primeiros monxes chegaron aquí, a partir do século V a VII, fundando numerosas ermidas e mosteiros, e adicándose o cultivo da vide e da castaña. Parece ser que foi a raíña Teresa de Portugal a primeira, que en 1124 se refire a esta zona como Rivoyra Sacrata no documento fundacional do mosteiro de Montederramo.
Nesta ocasión percorreremos unha parte da Ribeira Sacra do Miño, nos municipios de O Saviñao e Pantón, faremos unha ruta na que disfrutaremos da natureza, da historia e da cultura etnográfica desta zona. Camiñando por carreiros e camiños tradicionáis, anderemos entre bosques, viñedos e regatos, sen esquecer a continua presenza do Río Miño.
Dende o punto de vista arquitectónico destacan os templos románicos de San Martiño da Cova e a Eirexa de Santo Estevo de Atán (declarados monumentos histórico-artísticos). Dentre as diferentes aldeas que veremos, destacan Seoane (en vías de
recuperación) ou as de Atán, Arxuá ou Marcé, co seu castro ubicado nunha paraxe de vistas espectaculares (Miradoiro das Maravillas). Temos tamén outros atractivos, como a Fervenza de Augacaída, no Rego de Aguianza, duns 40 m de altura ou os
viñedos da Maiorga, co seu pantalán.
A ruta será de arredor de 20 km, con preto de 1.000 m de desnivel de subida e 800 de baixada. Farán falla arredor de 7 horas.
Os carreiros e camiños están con moita humidade e son esbaradizos, en ocasións son verticáis e/ou escalonados, na zona da fervenza teremos tamén alguhas escaleiras con pasamáns; por iso, antendendo a todos estes aspectos, podemos calificala como
un tanto dura. Na clasificación MIDE: 2-2-3-4.
Medio: Máis de un factor de risco, 2
Itinerario (orientación): Ten traza e sinalización,2
Desprazamento (dificultade): Ten en parte sendas escalonadas e diferentes firmes, 3
Esforzo: Serán máis de 6 h e sobre 1.000 m desnivel de subida e 800 m de baixada, 4