Hosting por dinahosting.
Cargando Actividades

« Todas as actividades

Sendeirismo por Gredos e Galayos

  • Esta actividade xa finalizou.
Comeza: 1 Novembro
Finaliza: 4 Novembro
Categorías: ,

Varias actividades de senderismo polo entorno da serra de Gredos e Galayos. As actividades do xoves, venres e sábado están detalladas mais abaixo. O domingo decidirase in situ entre os participantes.

Inscripción

Data límite para a inscripción:

  • Martes 23 de outubro mediante o correo [email protected]
  • Mércores 24 de outubro no local do club ou por teléfono en horario de apertura

A partir desas datas se desexas inscribirte deberás xestionar a pernocta pola túa conta.
Importante: Se te inscribes por correo solicitase informar de se estás disposto/a a levar vehículo propio, prazas e cidade de saída, así como se se precisa material e que noites precisas aloxamento.

Información útil

Comezo(lugar, hora…): Lugar de quedada aún por determinar.

Desprazamento: O desprazamento realizarase en coches particulares.

Material recomendado: Roupa e calzado axeitado, gafas de sol, manta térmica, frontal, comida e auga, saco de durmir para o refuxio.

Pernocta: No albergue el Pilar de Gredos. http://www.elpilardegredos.com.

  • Media Pensión: 28 €
  • Só durmir: 18 €

Xoves

Ruta Entre Ríos

  • horario3h’
  • desnivel de subida300 m
  • desnivel de baixada300 m
  • distancia horizontal8km
  • tipo de percorridoCircular
  • severidade do medio natural2
  • orientacion no itinerario2
  • dificultade no desprazamento2
  • cantidade de esforzo necesario2

Condicións en Tres estacións, tempos estimados segundo criterio MIDE, sen paradas.

Calculado sobre datos de 2017.

Pequena ruta pola contorna da aldea de El Arenal para coñecer a zona e o río do mesmo nome. Será unha ruta realizada pola tarde despois de chegar e asentarnos no albergue.

Venres

El Arenal, Puerto de la Cabrilla, Puerto de El Arenal

  • horario7h’
  • desnivel de subida1148 m
  • desnivel de baixada1148 m
  • distancia horizontal21km
  • tipo de percorridoCircular
  • severidade do medio natural2
  • orientacion no itinerario2
  • dificultade no desprazamento2
  • cantidade de esforzo necesario4

Condicións en Tres estacións, tempos estimados segundo criterio MIDE, sen paradas.

Calculado sobre datos de 2017.

Ruta sen dificultade técnica a destacar ainda que de dificultade física media. Pásase por varias fontes durante o percorrido.
Saimos e chegamos da aldea de El Arenal, para gañar a serra de El Arenal polo Puerto de la Cabrilla a través de típicos sendeiros de montaña. A baixada, de novo cara a aldea realizarémola polo puerto de El Arenal.

Sábado

Ascensión a La Mira por Galayos

  • horario4h’
  • desnivel de subida1223 m
  • desnivel de baixada0 m
  • distancia horizontal6km
  • tipo de percorridoIda
  • severidade do medio natural3
  • orientacion no itinerario3
  • dificultade no desprazamento4
  • cantidade de esforzo necesario3

Condicións en Tres estacións, tempos estimados segundo criterio MIDE, sen paradas.

Calculado sobre datos de 2017.

Na información da ruta só esta contemplada a ida, quedaría a volta polo mesmo sitio, pero esta ruta ten a vantaxe de que ao ser de ida e volta podemos quedarnos polo camiño a esperar o regreso do grupo se imos demasiado cansados.
Clásica ascensión a La Mira polo abraiante val de Galayos. Iniciamos a ruta na plataforma de Nogal del Barranco, próxima ao municipio de Guisando. Desde alí sae un carreiro ben marcado que termina na zona que se coñece como La Apretura, chegando ao refuxio Victory, moi frecuentado por escaladores debido ás grandes paredes dos Galayos.

Desde aquí aínda nos queda algo máis da metade da rua ata a portilla que nos deixa na corda que sobe ata a Mira. Pouco antes de chegar arriba viraremos á esquerda para non chegar á falsa portilla e unha vez arriba viraremos un pouco á esquerda para encararnos coa última subida (esta con bastante menos pendente) que sobe ata a Mira 2.343m.

Salvo que na información da actividade se indique o contrario, para participar na mesma é preciso apuntarse, así como ser socio do Club Alpino Ourensán e estar federado (cunha licenza federativa que cubra a actividade a realizar).

Ademais para participar nas actividades é preciso ter os coñecementos necesarios así como levar todo o material indicado.

Normas de participación nas actividades

O presente percorrido é unha proposta dun socio ou socia á cal se suman todos aqueles socios e socias que desexen realizalo, baixo a propia responsabilidade de cada un/unha dos/das participantes, sendo imprescindible dispoñer de seguro individual de accidentes. O club tan so facilita a organización do desprazamento e a difusión da actividade. Polo tanto non existe guía de montaña a cargo da actividade, nin se percibe cantidade algunha por tal concepto.

PECHAR

Ola! Utilizamos cookies propias e de terceiros para mellorar a web e a seguridade, pero non analizamos os hábitos de navegación navegación nin intentamos identificarte. Podes obter mais información nesta ligazón