Finalizando este decembro cargadiño de actividades, convocamos a todos o socios e socias a unha reunión o venres 23 de decembro as 19:00h no local social para organizar o arranque do 2023. Esta vez ao rematar a reunión desfrutaremos duns pinchos e un brindis (ao mellor anima a asistir). Será un estupendo xeito de celebrar o final deste exitoso ano, polo menos no que a participación e propostas se refire, e brindar por un novo ano cheo de posibilidades.

Tamén podedes enviarnos a propostas por correo([email protected]), xa sabedes, indicando na medida do posible unha data concreta, ou incluso varias opcions de data. Así, entre todos faremos o posible por encaixalas (na ultima reunión acabamos sudando, e houbo algún-algunha a quen non lle chegaban os dedos, entre as actividades que organizaba e outras nas que quería participar… xenial).

Porque, sen querer repetirnos, insitimos en que seguides mostrando unha impliación e colaboración da que presumimos sempre que podemos… solo hai que ver como está este mes…. nin chegando a finais ano faltaron os folgos…. este club e incrible.

O dito, aqueles que poidades e queirades vir, o dia 23 vemonos no club a partir das 19 horas. Seguro que sera un pracer!