Escalada no Monte Pindo/ Pedra Serpal 19-20 marzo

Ligazón: Ficha da actividade

Esta actividade estaba planificada para realizarse os dous días no Monte Pindo e durmir alí, pero o final segundo foi evolucionando a mesma decidiuse ir a escalar o día 20 a Pedra Serpal que se atopa en Pontenafonso (Outes) a media hora aproximadamente do Pindo.

Hai que salientar que ese fin de semana o club realizou unha multiactividade no Monte Pindo, co gallo da celebración do Día da Muller (Mulleres de Altura) aprazada o anterior fin de semana. Na multiactividade incluíase sendeirismo, BTT e escalada.

Escalada no Monte Pindo – 19 de Marzo

O punto de reunión de todos os grupos foi no porto do Pindo. Dende alí o punto de partida para o grupo de escalada era unha pista que saía dend o pobo de o Fieiro (sinalado na ficha da actividade).

Despois de camiñar aproximadamente unha hora dende o punto de saída seguindo un camiño bastante obvio (tendo en conta co Pindo é un pouco labirintico), hai que separarse do camiño principal a dereita. Hai que seguir entre bosque baixo e matorral en dirección a unhas paredes que podemos divisar nesa dirección.

As paredes atópanse nun coiado (que da nome o sector) polo que adoita a entrar moito vento, para a nosa sorte ese día tivemos unha xornada con pouco vento e bastante sol, polo que agradecíase a brisa. Dende o coiado pode verse a praia do pobo do Pindo.

Pasando o tema da escalada atopámonos ante unha escalada de placas e fendas de granito de gran calidade.

As placas adoitan a ser moi lisas, sen apenas bañeiras ou irregularidades, ou pequenos agarres.

As fendas a maioría son espectaculares perfectas para poñer a proba os coñecementos na utilización de friends e fisureiros.

O grado varía de V ata o 7c.. e algunha vía sen encadenar (ver croquis na guía Rocha Nai).

As vías están equipadas con parabolt e chapa de aceiro inoxidable, o igual cas reunións todas equipadas. Hai fendas sen equipar polo que únicamente se poderán escalar con material de clásica.

Foi un día de escalada moi divertido e o grupo afanouse moito en poñerse a proba nas vías de clásica, posto que había un par de elas ben asequibles (V-V+).

A noite pasouse nunha zona recreativa do pobo de Fieiro.

Material recomendado:

• Corda de 70 metros
• Cintas expres
• Empotradores e friends ata o nº5 (camalot) dependendo das vías a escalar.

Escalada na Pedra Serpal – 20 de Marzo

É unha pequna escola que podemos atopar en Outes, preto da vila de Pontenafonso. Podemos botar unha ollada a ficha da actividade do 9 -10 de Abril que realizouse alí para mais detalles.

O lugar ten unhas vistas impresionates da ría de Muros – Noia. A escalada é sobre un bloque o pedra de gneis (tipo de granito).

A escalada de de agarres pequenos sobre pitones (mais xenerosos que os de Budiño). Tamén podemos atopar algunhas fendas sen equipar para escalar en clásica con empotradores e friends (ata nº3 – Camalot). As vías están equipadas con parabolt, chapa e reunión de aceiro inoxidable. Non hai descolque polo que hai que facer a maniobra para pasar a corda pola anilla/s da reunión.

As maioría das vías están nas caras orientadas o norte (mais asequibles) e o sur, polo que temos zona de sol e sombra, pero hai que ter en conta que está nun alto polo que o vento tamén inflúe a hora de ir ou non abrigado.

Material recomendado:

• Corda de 40m (as vías mais altas non superan os 20)
• Cintas expres
• Empotradores e friends ata o nº3 (camalot) dependendo das vías a escalar.