Hosting por dinahosting.

Sección de espeleoloxía

Na actualidade non nos chega con explorar as selvas máis mestas, ascender as montañas máis altas nin navegar polos mares máis distantes. Dende sempre, o home interesouse por exploración das covas buscando acubillo, auga e mesmo tesouros. Grutas con pinturas misteriosas, cavernas con lagos interiores, estalactitas e estalagmitas milenarias e sobre todo escuridade. Moita escuridade. Isto é unha pequena parte do que pode encontrar o viaxeiro que se lance a descubrir as entrañas da terra.

A Espeleoloxía é unha Actividade Mixta, tanto Deportiva coma Científica, que nos permite:

  • – Descubrir o que se encontra debaixo da terra: salas, galerías, ríos, lagos, estalactitas, estalagmitas…
  • – Facer un deporte moi completo, onde escalamos, descendemos e ascendemos por cordas…
  • – Coñecer a natureza, montañas, ríos…
  • – Realizar un traballo en equipo, fundamento da exploración espeleolóxica.

Ademais de todo isto, a espeleoloxía ten un compoñente científico, xa que nós como espeleólogos levamos a cabo:

  • – As topografías das cavidades, realizando para iso medicións con compás, clinómetro, fita métrica e outros aparatos.
  • – Estudos hidroxeolóxicos, coa finalidade de coñecer o comportamento das augas subterráneas tanto dende un punto de vista científico, como para realizar as exploracións con seguridade.
  • – Estudamos e loitamos pola conservación da fauna subterránea, pouco coñecida e nalgúns casos de grande interese biolóxico.
  • -Ademais doutras áreas como: arqueoloxía, climatoloxía, fotográfica, mergullo en cavidades,….

Outra faceta que nos ocupa é o Descenso de Canóns ou Barrancos, disciplina que naceu como complemento nas exploracións.

A forma de iniciarse na espeleoloxía é federándose e realizando o cursos que se organizan no Club.

Unha vez adquirida a formación necesaria, as actividades lévanse a cabo polo Club que forma parte da Federación, onde che proporcionarán toda a información que necesites para a práctica do noso deporte.

PECHAR

Ola! Utilizamos cookies propias e de terceiros para mellorar a web e a seguridade, pero non analizamos os hábitos de navegación navegación nin intentamos identificarte. Podes obter mais información nesta ligazón