Para o sábado, a ascensión ao teito do parque natural de Somiedo é soamente un dos alicientes da ruta, xa que esta ascende pola vertente asturiana desde Villar de Vildas e pasa pola soada e cinematográfica braña do Pornacal, cos seus tradicionais teitos e aínda en uso. A ruta ten 20km e 1.300 m de desnivel e é moito máis dura que a mesma ascensión pola vertente leonesa.

O domingo faremos unha ruta circular que permite unir dous dos camiños máis interesantes do parque de Somiedo e que transcorren paralelos a 400 m de desnivel uno do outro, co engadido da ascensión á pena Negra:
Por unha banda o PR.AS-12 é unha senda homologada que discorre a media altura do Cordal da Mesa, partindo desde Saliencia e terminando en Arbellales. Durante o seu curto percorrido atravésase unha Foz e un gran numero de Brañas de Teitos.
Por outro o GR-101 é o coñecido ” Camín Real de la Mesa”, que une Asturias coa Meseta. Este é un camiño romano que aínda conserva parte do percorrido orixinal. O tramo utilizado para esta ruta é a parte alta do Cordal da Mesa para realizar unha ruta circular en conxunto co PR.AS-12, pasando próximos a Pena Negra, que ascenderemos e Michu. A ambas as pódese subir facilmente desde o collado compartido entre elas.
A ruta é paisaxísticamente moi estimulante, non só porque pasa por brañas repletas de Teitos, senón tamén porque a súa orografía é moi atractiva á vista, tendo vistas de Somiedo, parte de Teverga e das Ubiñas. Así que preparen as cámaras que no Club temos un concurso fotográfico.