Licenzas de Montaña
Procedemento para federarse
Para solicitar unha licenza é indispensable ser socio do club. Aquí podes consultar como asociarte ao Club Alpino Ourensán. Podes facerte socio por un só trimestre.
O procedemento para federarse poderá realizarse no local do club ou telemáticamente do seguinte modo:
1º. Elexe o tipo de licenza
Como novidades deste ano existen dúas federación polas que podes federarte en montaña:
A Federación Española de Montaña (FEDME)
Escolle o tipo de licenza que desexas en función das coberturas que precises e idade. Revisa tamén se precisas algún dos suplementos.
Modalidades e prezos:
https://fedgalmon.gal/wp-content/uploads/2025/11/LICENZA-FEDME-2026.pdf
A Federación Galega de Montaña (FGM)
Este ano a FGM sacou a licenza C. Ten a mesma cobertura que a licenza B da FEDME, con un custo menor pero, non permite solicitar suplementos (BTT, Esquí…), nin contempla descontos de inclusión social (IS), nin descontos en refuxios FEDME do ámbito nacional. Tampouco podes asistir a competicións deportivas nacionais.
Modalidades e prezos:
https://fedgalmon.gal/wp-content/uploads/2025/11/LICENZA-FGM-2026.pdf
Nesta páxina da Federación Galega de Montaña poderán consultarse todos os detalles das licenzas.
2º. Paga a licenza
Abona na conta do club ( xa sexa por ingreso ou transferencia) o importe da licenza escollida e poñendo como concepto Licenza de … (Nome e apelidos do solicitante).
Lembra sumar ao prezo da licenza os suplementos que desexes. Tamén se pode solicitar a tarxeta física (3 euros)
É suficiente con un so ingreso.
IBAN: ES03 0049 7799 50 2610012560 (Banco Santander).
3º. Realiza a solicitude
Podes solicitar a túa licenza telemáticamente mediante o formulario habilitado durante todo o ano.
NOTA: Dende o clube tramitamos as licenzas os mércores ata as 20h. Todas as licenzas solicitadas despois desa hora, tramitaranse para o seguinte mércores.
Se o desexas tamén podes pasar polo local do club co resgardo da transferencia para tramitala en persoa.
4º. Descarga a tarxeta virtual.
Unha vez que dende o clube tramitemos a túa licencia recibirás un correo de confirmación pero, para comprobar que a túa licencia está tramitada pola federación e que estás federado, deberás descargar a tarxeta virtual a través de app Tools. Podes descargar a app aquí:
https://play.google.com/store/apps/details?id=com.toools.fedme&hl=es
Se solicitaches a tarxeta física deberás pasar a recollela polo clube.
Procedemento en caso de accidente
No caso de precisar facer uso das coberturas da licenza, a Federación Galega de Montañismo ten un procedemento publicado con todos os pasos para facer uso desa cobertura. Este procedemento é de interese para todos os federados
Como ampliar unha licenza xa tramitada
Durante todo o ano poderás ampliar as coberturas dunha licenza xa tramitada.
1º. Elexir o tipo de licenza
Escolle o tipo de licenza que desexas en función das novas coberturas que precises. Revisa tamén se precisas algún suplemento a maiores. Os suplementos xa solicitados manteranse.
2º. Pagar a licenza
Abona na conta do club ( xa sexa por ingreso ou transferencia) a diferenza entre a licenza antigua e a nova solicitada.
Concepto do ingreso: Licenza de … (Nome e apelidos do solicitante).
IBAN: ES03 0049 7799 50 2610012560 (Banco Santander).
3º. Realiza a solicitude
Podes ampliar a túa licenza telemáticamente mediante o formulario habilitado durante todo o ano.
NOTA: Dende o clube tramitamos as licenzas os mércores ata as 20h. Todas as licenzas solicitadas despois desa hora, tramitaranse para o seguinte mércores.
Vantaxes de federarse
A licenza da Federación Galega de Montañismo, permìtece participar nas actividades do clube e en outras nas que se esixa estar federado, ademais dáche dereito a:
• Participar con preferencia nas actividades federativas (FGM/FEDME).
• Participar nos cursos da Escola Galega de Alta Montaña (EGAM).
• Axudas económicas nalgunhas actividades federativas de ámbito galego, estatal e internacional.
• Gozar aos federados FEDME de descontos de pernota en todos os refuxios españois a partir do 01-01-2026, segun o convenio de reprocidad de refuxios de montaña. Accede a Refuxios FEDME.
• Os federados FEDME estarán tamén incluídos desde 01-01-2026 no Convenio internacional de reciprocidade no uso dos refuxios de montaña.
• Ter dereito todos os federados galegos as promocións de descontos federados.
• Prezos moi reducidos nos refuxios galegos.
• Comunicacións periódicas.
• Calendario de actividades.
• Participar en actividades divulgativas.
• Competicións oficiais de escalada, carreiras por montaña e marcha nórdica.
Datos importantes
Licenzas válidas por ano natural. Todas as licenzas caducan o 31 de decembro.
Non poderán tramitarse licenzas daqueles que omitan consignar todos os seus datos ou o fagan de forma incorrecta.
Licenza de Inclusión Social
(B IS), coas mesmas coberturas que a licenza B de ámbito nacional. Para poder tramitar esta licenza hai que achegar unha copia do certificado de discapacidade igual ou superior do 33%.
Ademais os Federados de modalidades infantís e xuvenís, que no momento que acrediten tener un pai ou unha nai federados, obterán un desconto do 50% no precio do seguro, e decir, pagarán o prezo fixado no cadro de prezos pola súa totalidade, e unha vez acrediten ter o pai ou a nai federado no ano 2026, abonaránselle o 50% da licenza do menor.
