XI MARATÓN ESCALADA CANÓN DO SIL: 12 H, 5 PROXECTOS Este ano mudamos o carácter competitivo do evento e propoñémoste que aproveites esta xornada para probar/encadear/coñecer os diferentes sectores do canón do sil e fanatizarte con polo menos unha vía en cada un deles. Aproveitando as sinerxias de tódolos escaladores seguro que logramos unha xornada donde…
XI MARATÓN ESCALADA CANÓN DO SIL: 12 H, 5 PROXECTOS
Este ano mudamos o carácter competitivo do evento e propoñémoste que aproveites esta xornada para probar/encadear/coñecer os diferentes sectores do canón do sil e fanatizarte con polo menos unha vía en cada un deles. Aproveitando as sinerxias de tódolos escaladores seguro que logramos unha xornada donde se alcance o número máis elevado de encadenes da historia do Canón. Se lle tes botado unha mirada algunha vía, dende fai tempo ou se non coñecías algún itinerario, este será o día de darlle a morte, aproveitando a motivación de todos os participantes e coñecendo os crux das mesmas.
O Club Alpino Ourensán organiza a segunda fin de semana de setembro o “Maratón de escalada Canón do Sil”, unha concentración-competición de escalada deportiva destinada a promover, por unha banda, a escalada deportiva, e por outra, dar a coñecer a escola de escalada de o Cañón do Sil a todos aqueles que se acheguen a el e fomentando os valores de respecto pola natureza e o medio natural, de acordo co recollido na Rede Natura 2000 de Galicia onde se inclúe o Cañón do Sil e a súa escola de escalada. en ZEC ES1120014.
12 horas continuadas de escalada en corda, en todos os sectores da escola. Nace co obxectivo de compartir unha xornada de escalada ben como participantes ou como espectadores e convertela nunha festa e encontro do deporte.
Inscrición : https://www.clubalpinoourensan.es/maraton/inscripcion/
Programa
Venres 13
20:30h – Recepción de participantes (Sede do Consorcio Local os Peares)https://turismo.ribeirasacra.org/os-peares#infoLocation
No local social do Consorcio Local os Peares, habilitarase a recollida das inscripcións e darase a posibilidade de pernocta no propio local, indicándose previamente na folla de inscripción: necesario uso de saco e esterilla sobre o chan, posibilidade de uso de aseo e duchas.
21:30h – Proxección REEL-Rock 18 (Sede do Consorcio Local os Peares)
As historias de escalada e aventura máis importantes do ano en REEL ROCK 18: un visionario primer ascenso no mítico Monte Mizugaki de Japón (23min); unha comunidade de escaladores que se mantén unida na Ucrania devastada pola guerra (38min); un traicioneiro ascenso libre de Jirishanca nos Andes peruanos (32min); e unha exploración de escalada sobre as profundas augas de Mallorca (28min).
Sábado 14
9:00h – Comezo maratón.
Se non poidestes acudir o día anterior a recepción de participantes, podedes incorporaros directamente á proba e recoller a inscripción neste momento. Non ten carácter competitivo e propoñémoste que aproveites esta xornada para probar/encadear/coñecer os diferentes sectores do Canón do Sil e fanatizarte con polo menos unha vía en cada un deles.
21:00h – Fin da proba
Entrega da ficha de encadenes.
22:00h – Pinchos, sorteo e entrega de premios (Sede do Consorcio Local os Peares)
Para ter acceso os sorteos de premios deberase ter encadeado polo menos unha vía en tódolos sectores de escalada recollidos no evento.
