Un ano mais, xa andamos a organizar a edición 2018 da actividade de Pirineos. Como xa comunicáramos este ano dirixímonos ó Val de Ordesa e Monte Perdido, segundo Parque Nacional de España.…
Un ano mais, xa andamos a organizar a edición 2018 da actividade de Pirineos. Como xa comunicáramos, este ano dirixímonos ó Val de Ordesa e Monte Perdido, segundo Parque Nacional de España e que este ano cumple 100 anos, declarado patrimonio da Humanidade pola UNESCO no 1977, formado polas abraiantes e inigualables paisaxes dos Vales de Ordesa, Bujaruelo, Pineta, Anísclo, Escuain…
Inscripción
Data límite para a inscripción:
- Venres 13 de xullo mediante o formulario web ou o correo [email protected]
- Mércores 11 de xullo no local do club ou por teléfono en horario de apertura
Importante: Ao inscribirte solicítase informar de se estás disposto/a a levar vehículo propio, cidade de saída e prazas dispoñibles, e se precisas aloxamento. Se vas aloxarte no cámping é imprescindible que indiques se levas tenda e se é pequena ou grande (temos que comunicalo ao cámping).
Cámping
O cámping escollido para esta actividade é o cámping Rio Ara, enclavado nos Pirineos Centrais, en Torla-Ordesa ás portas do citado Parque Nacional.
Debido ás datas, os outros cámpings que hai pola zona e tamén no Val de Bujaruelo non realizan reservas, polo que non garantian que tivésemos as prazas suficientes de acampada ao chegar, polo que a opción escollida foi o cámping Rio Ara, único que nos reservaba un espazo, sen embargo este non dispón de bungalós, pero tanto na aldea de Ordesa coma no cámping Ordesa, ambos pretos da opción escollida existen alternativas de pernocta.
Este cámping está pasado Torla e en dirección Ordesa, a 200 metros a dereita está o desvío cara o Río Ara, último río salvaxe dos pirineos e en cuxas proximidades está o cámping.
Contacto cámping:
- Web: www.campingrioaraordesa.com
- Situación: Torla – Ordesa (Huesca)
Coma sempre, dende o club reservamos a zona de acampada, sendo responsabilidade de outros participantes xestionar outras opcións coma bungalós, albergues, hostais, etc